Termi “Cauda equina” i referohet pakos sakulare të nervave dhe rrënjëve nervore poshtë palcës kurrizore në kanalin kurrizor lumbosakral, ngjeshja e së cilës çon në sindromën Cauda equina. Është një çrregullim i rrallë por serioz dhe shpesh kërkon urgjencën mjekësore, kryesisht për shkak të mosfunksionimit të fshikëzës urinare dhe zorrëve, madje edhe për shkak të paralizës së përhershme të muskujve të njërës ose të të dy këmbëve.

Sindroma Cauda equina zakonisht shkaktohet nga hernia diskale në pjesën lumbare të shtyllës kurrizore, e cila zakonisht paraqitet tek pacientët në moshë të shtyrë ose mund të shkaktohet nga një lëndim i shtyllës kurrizore, poashtu edhe nga trauma, tumor në shtyllën kurrizore, stenozë kurrizore ose edhe nga një infeksion i rëndë. Në raste të rralla, stenoza spinale dhe frakturat vertebrale si pasojë e osteoporozës mund të çojnë tek sindroma Cauda equina.